O programa (21:55 h) introduce as ‘particellas’, que serán escollidas ao azar polos padriños e madriñas e que afectarán directamente os concursantes
Santiago, 20.07.2023.- Aos espectadores da Televisión de Galicia agárdaos esta noite unha gran sorpresa no programa ‘A Liga dos Cantantes Extraordinarios’. Ata o de agora, os cantantes estaban moi tranquilos, pero a chegada dun novo elemento fará que todo cambie.
Selu alzouse como gañador da terceira gala do concurso da TVG interpretando a canción ‘Y como es el?’ e está imparable, pero calquera cousa pode pasar a partir do programa de hoxe.
A presentadora, María Mera, informará os padriños, xurado e cantantes da chegada das ‘particellas’, catro elementos que serán escollidos ao azar polos padriños e que afectarán, positiva ou negativamente (segundo a quen se lle pregunte) aos concursantes. Unha delas mesmo pode cambiar quen chega á final en cada programa. Que pasará? A resposta, este xoves, nunha nova xornada da cuarta edición de ‘A Liga dos Cantantes Extraordinarios’.
Fuente Crtvg.es