Os espectadores descubrirán os segredos dunha parella de 70 anos para manter viva a relación durante tanto tempo e coñecerán unha rapaza con moitas ganas de conversar sen tabús
Santiago, 28.09.2022- A bordo dunha limusina, o novo programa da TVG ‘Non lle chames amor’ (23.25 h) seguirá hoxe percorrendo Galicia para, a través de conversas interxeracionais, coñecer a realidade sexual que viven os galegos e galegas. Nesta ocasión, a psicóloga e sexóloga Raquel Graña falará cos seus convidados/as sobre fantasías sexuais e ensinará como diferenciar o concepto de desexo sexual.
‘Non lle chames amor’ ficará hoxe en Santiago de Compostela para coñecer de primeira man a historia de Eduardo e Junda, unha parella de 70 anos que contarán os seus segredos para manter viva unha relación de tanto tempo.
Os espectadores tamén coñecerán a Ismael, un mozo moi simpático, transparente e libre, que explicará como se identifica, e a Jéssica, unha rapaza moi faladora e atrevida con moitas ganas de falar de sexo sen tabús.
Fuente Crtvg.es