O espazo da TVG tamén estará cun rapaz novo que decidiu que o seu futuro estaba na fabricación de instrumentos tradicionais
Santiago, 13.07.2020.- O programa ‘Cos Pés na Terra’ (22.05 h) trae hoxe bo ritmo, todo o que sae das mans de Iago, un rapaz novo que decidiu que na fabricación de instrumentos tradicionais estaba o seu futuro.
O espazo da Televisión de Galicia tamén ten hoxe unha cita para tomar un viño con Dori e Jorge, dous adegueiros cos que compartir a xornada da vendima e as vistas fabulosas do seu lugar no mundo.
Por último, o equipo do programa andará ás carreiras coas vacas de Mario, un gandeiro dedicado tamén á cría duns bois espectaculares e cos que vai facer surfing nunha leira.
Fuente Crtvg.es
