Co especial ‘Land Rober Tunai Show, este vai por vós’, o programa homenaxea este xoves o seu principal activo: o público

0
7

Recollerá os mellores momentos das persoas que cada semana participan nos sketchs e nos xogos propostos por Roberto Vilar e compañía (21.55 h)

Co especial 'Land Rober Tunai Show, este vai por vós', o programa homenaxea este xoves o seu principal activo: o público

Santiago, 09.04.2020.-  Roberto Vilar e todo o equipo do ‘Land Rober Tunai Show’ (21.55 h) van unhas semanas facendo o programa como poden, pero botando moito menos o seu principal activo: o público, sen dúbida un dos elementos imprescindibles do show dos xoves.

En calquera caso, a todos lles tarda xa poder estar rodeados de amigos que agardan durante meses para ir ao programa, xente que chega ao estudio de gravación con todas as ganas do mundo para divertirse e, con moita xenerosidade, entrar nos xogos do ‘Land Rober’. Así que hoxe, baixo o título ‘Este vai por vós’, o programa estará dedicado a todas as persoas que cada semana contribúen a facelo.

Ao ‘Land Rober’ non se vai só a mirar, coma quen mira unha obra de arte. O que vai alí sabe que pode acabar pintando a mona en calquera momento. O programa especial desta noite recollerá os mellores momentos das persoas do público participando nos sketchs e nos xogos que cada semana propoñen Roberto Vilar e compañía, como o xogo dos casquetes e o ‘Que me estás contando!’. Ademais, os espectadores descubrirán que entre o público do ‘Land Rober Tunai Show’ se agocha moito talento oculto.

Fuente Crtvg.es