O seu tecido industrial e tecnolóxico concéntranse nun espazo descoñecido para moitos, onde desenvolven a súa actividade empresas de ámbito internacional
Santiago, 11.10.2021.- O tecido industrial e tecnolóxico marcan o carácter da cidade de Vigo. A Zona Franca é un territorio descoñecido para moitos, onde desenvolven a súa actividade empresas de ámbito internacional. Empresas como Stellantis Vigo ou a Citroën, como din os vigueses.
Este luns, no programa ‘Desmontando Galicia’ (23.10 h), Diana Nogueira e Isabel Blanco, coa inestimable axuda do ‘Sabichón’ Quique Morales, descubrirán a súa historia, intimamente ligada á da cidade olívica, a máis grande de Galicia.
Coas súas habituais e espectaculares recreacións audiovisuais, poñendo e quitando pezas onde faga falta, o espazo da TVG amosaralles aos espectadores esta zona de Vigo como nunca antes a viran.
Fuente Crtvg.es
