Santiago, 23.11.2020.- A Radio Galega ofrece este martes unha edición especial de ‘Galicia en goles’ para contar desde as oito e media do serán o partido de Liga da Segunda División A entre o Lugo e o Oviedo.
Paco Santos dirixe a retransmisión, con Andrés Vieites no Anxo Carro, arroupado polos especialistas Emilio González e Rafa Porto.
A derrota do venres en Alcorcón deixou o equipo galego fóra dos postos de promoción, mentres o cadro asturiano chega tras empatar ante o Fuenlabrada. Na clasificación, os dous equipos están parellos, só separados por dous puntos.
O programa seguirá, ademais, os partidos da Copa do Rei de fútbol sala Santiago-Burela e Noia-Parrulo.
A emisión poderán seguila a través da FM, TDT, radiogalega.gal e as aplicacións como Radioplayer España, ademais dos altofalantes Alexa.
O venres, o ‘Galicia en goles’ volverá contar o fútbol de Segunda División A co Málaga-Lugo, na Rosaleda. Na fin de semana, a atención da xornada estará posta o sábado no derbi da Segunda B entre o Compostela e o Pontevedra, que chegará líder ao Vero Boquete. O domingo, o Celta-Granada, de Primeira, e o encontro de rivalidade Deportivo-Rácing de Ferrol serán os pratos fortes.
Fuente Crtvg.es
