O programa contará tamén este xoves coa presenza da cantante Pili Pampín, que, xunto a Eva Iglesias, vai coñecer o talento musical que hai en Galicia
Santiago, 03.12.2020.- O programa ‘Land Rober Tunai Show’ (22.15 h) porá este xoves a proba o actor Antonio Garrido, que vai saír do show feito un galego dos pés á cabeza. E para esta misión contará con Esther Estévez, do ‘Dígocho Eu’ como aliada. Conseguirá ‘galeguizar’ este sevillano?
Ademais, o espazo presentado por Roberto Vilar recibirá no estudio a gran Pili Pampín, que, xunto a Eva Iglesias, coñecerá o talento musical que hai en Galicia. A cousa vai de cantantes! Ademais, volven os ‘Casados ou divorciados?’. Haberá máis divorciados que se leven ben dispostos a dar a cara ante Galicia enteira?
Fuente Crtvg.es