Os dous artistas van ser protagonistas de numerosas risas este xoves, en que volven as tolas aventuras da familia de mariscadores
Santiago, 10.12.2020.- Este xoves o ‘Land Rober Tunai Show’ (22.20 h) recibe unha auténtica musa, a verdadeira Bárbara Rey! A estrela acode a pintar a mona e sorprender a audiencia coas súas historias. Que barbaridades agochará? Desde o programa, Roberto Vilar tiraralle da lingua e, para iso, tamén se contará cun bo aliado: o falcatrueiro de Roi Méndez.
Este xoves volven, amais, as aventuras da familia de mariscadores máis disparatada. E ollo, porque Josiño desta non vai traballar máis. Disque ten unha amante e vai ser un verdadeiro espectáculo cando lla presente aos pais.
E por se fora pouco, Roi Méndez vai vivir en propia pel a reapertura de Casa Dosinda. E como non, tamén vai descubrir a de toleadas que fai o noso público.
Fuente Crtvg.es
