Someteranse ás preguntas máis divertidas, pero tamén máis temidas do público e, ademais, recibirán algún que outro agasallo
Santiago, 02.01.2019.– O ‘Land Rober Tunai Show’ (22.15 h) comeza o ano recibindo dous dos ‘triunfitos’ máis queridos. Luís Cepeda e Ana Guerra visitan o programa e someteranse ás preguntas máis divertidas, pero tamén máis temidas do público. Rodeados de fans, tamén van recibir algún que outro agasallo.
E da realidade á ficción… Os espectadores experimentarán o que pasa despois dunha noite tola de fin de ano en que Luís Cepeda vai ter que facer o seu papel máis difícil: o de guapo.
Ademais, coma cada xoves, o espazo da TVG recibirá o público máis entregado. Desta vez, coñecerá tamén os segredos mellor gardados deles. Algún igual se arrepinte de ir ao programa. Ao show tamén se unirá o actor Rubén Prieto, nunha noite de risas aseguradas en que tampouco faltarán David Perdomo e Eva Iglesias.
Fuente Crtvg.es
