Santiago, 12.03.2021.- O programa matinal ‘Galicia por diante’ da Radio Galega sairá este venres dos estudos de San Marcos por primeira vez desde o inicio da pandemia, coincidindo co día no que se cumpre un ano da fin da normalidade. Desde as 9.30 horas ata as 14.00 horas, o magazine traslada o seu equipo ata o CHUAC, o Hospital Universitario da Coruña.
Nun primeiro termo, o director do ‘Galicia por diante’, Kiko Novoa, presentará o programa desde o exterior do hospital e conversará co persoal de ambulancias. Ao longo da mañá o programa entrevistará o conselleiro de Sanidade, Julio García Comesaña, sobre a situación da covid-19, e falará con profesionais de distintos departamentos deste gran hospital, entre eles traballadores de Urxencias como Celso López, celador e primeira persoa que recibe os pacientes á súa chegada ao centro. Con este programa especial desde o CHUAC, a Radio Galega quere afondar na situación que vive un dos grandes complexos hospitalarios galegos. Para iso, pasarán polos micrófonos do ‘Galicia por diante’ María José Pereira, xefa de Medicina Preventiva; Jose Fraga Parafita, de orde interna e seguridade; Margarita Lema, administrativa; Ricardo Calvo, médico de urxencias; Mónica Pérez Taboada, enfermeira de planta covid, e David Freire, xefe da unidade de coidados intensivos.
Outros dos convidados do programa serán o psicólogo Jorge García; Nacho Ramil, de medicina interna; a limpadora de urxencias, Begoña; a pneumóloga María Fernández Marrube; a xefa do Servizo de Anestesia do hospital, Felisa Álvarez; a fisioterapeuta da UCI, Sonia Lugris; e a TCAE de urxencias, Mónica López. Máis adiante, falarán con Kiko Novoa e Cristina García Marian Álvarez, enfermeira de urxencias; Quique Míguez, do Servizo de Enfermidades Infecciosas; Luz Campello, de traballo social; Moncho Sueiro, xefe de cociña; Guillermo Vázquez, Xefe do Servizo de Informática; e María Lorenzo, da área de compras. Para rematar este programa especial, entrevistarase a Luis Verde, Xerente do CHUAC e responsable da área sanitaria Coruña-Cee.
Fuente Crtvg.es
