Santiago, 14.12.2019.- Este domingo chega á grella da TVG o programa de actualidade ‘Malicia Noticias’, un espazo útil e necesario para os espectadores que queren saber o que pasou no día, pero que non tiveron tempo de informarse. Con todo, as cousas non sempre son como parece que foron. ‘Malicia Noticias’ será a proba de que hai moitas maneira de contar un mesmo feito.
Neste espazo, que se emitirá de domingo a mércores ás 22.10 h, os televidentes poderán coñecer a actualidade diaria, os eventos e o panorama televisivo desde unha perspectiva humorística, dándolle unha volta, en clave desenfadada, ao acontecido durante a xornada.
Desta forma, o equipo do programa, comandado por Arturo Fernández, e formado tamén por Noelia Rey, Pepe Capelán, Lucía Veiga e Brais Doval, amosará e analizará, entre outras cousas, o que se fala na rúa, o que lles interesa aos galegos, o deporte, as festas, a gastronomía e o rural desde varios puntos de vista, centrándose no eido máis social e divertido.
‘Malicia Noticias’ pode ser un noticiario de humor, unha comedia informativa e ata o espazo de análise da actualidade que todo o mundo estaba esperando. Para saber realmente que é, non hai máis que poñer a Televisión de Galicia este domingo ás 22.10 h.
Fuente Crtvg.es
