Estíbaliz Veiga coñecerá as dúas caras de Mondoñedo, visitará a cova da Doncela, en Viveiro, vestirase de indiana en Ribadeo e xogará entre os arcos da praia das Catedrais (22.35 h)
Santiago, 16.12.2019.- ‘Un país en 360’, o primeiro programa da TVG que incorpora o 3D e o 360 nun concepto multiplataforma e que xera pezas para seren vistas en 360 ou en estereoscopía no YouTube da televisión pública, chega esta semana á Mariña lucense. Poñendo os espectadores no centro da acción, realizará un paseo innovador polo seu patrimonio e a súa paisaxe.
Co seu soporte para a cámara 360, Estíbaliz Veiga coñecerá as dúas caras de Mondoñedo: a histórica e a urbana. Ademais, visitará a cova da Doncela, en Viveiro, vestirase de indiana en Ribadeo e xogará entre os arcos da praia das Catedrais, amosando ángulos nunca vistos destes representativos lugares.
Ademais, co obxectivo de facer accesible a riqueza dos espazos naturais e monumentais, persoas con diferentes capacidades dirixirán o voo dun dron que sobrevoará paraxes inaccesibles doutro xeito para o público. Nesta ocasión, ‘Un país en 360’ sobrevoará a Illa Coelleira con Adolfo.
Fuente Crtvg.es
