Os espectadores de ‘Cos Pés na Terra’ saberán esta noite que é un cacharreiro e coñecerán o trigo de Callobre

0
9

Ademais, un gandeiro transformarase en xeadeiro para converter o leite quente da muxidura en larpeiradas frías e deliciosas (22.30 h)

Os espectadores de 'Cos Pés na Terra' saberán esta noite que é un cacharreiro e coñecerán o trigo de Callobre

Santiago, 30.11.2020.-    No programa desta semana de ‘Cos Pés na Terra’, haberá xeados para todos grazas a Manolo, un gandeiro ao que os espectadores verán transformarse en xeadeiro, convertendo o leite quentiño da muxidura en larpeiradas frías e deliciosas.

Pola súa parte, Agustín e o seu fillo José explicarán o que é un cacharreiro. Os dous teñen a lección aprendida desde hai séculos. Con eles, o equipo do programa vai moldear coñecementos da olaría tradicional de Niñodaguia.

Ademais, con Alicia metida en fariña, ‘Cos Pés na Terra’ saberá máis do trigo de Callobre, un cereal autóctono que antigamente abundaba nos campos galegos e que se facía escoitar cantando.

Fuente Crtvg.es