Os xornalistas da RG Carlos Alonso, Alfonso Pardo e Roberto Carlos Carballo recollen o premio da Federación Galega de Piragüismo

0
2

Santiago, 23.12.2019.-      Os xornalistas da Radio Galega Alfonso Pardo (‘Convivir Deportivo’), Roberto Carlos Carballo (‘Galicia en Goles’) e Carlos Alonso (‘Zona Mixta’) recolleron o pasado sábado, na Gala do Piragüismo Galego, un premio que recoñece o seu labor xornalístico na difusión desta disciplina deportiva, que ten unha forte presenza nos medios públicos galegos.
    
No caso de Roberto Carlos Carballo, a Federación Galega de Piragüismo premiouno polo seu traballo á fronte do ‘Galicia en Goles’ diario, espazo que dirixiu desde 2011 ata agosto de 2018. A Federación premiou tamén os xornalistas Alfonso Pardo, director do programa ‘Convivir Deportivo’, que amosa a actualidade do deporte desde a óptica social e que narra cada fin de semana historias de superación e voluntariado, e a Carlos Alonso, director do programa diario de deportes ‘Zona Mixta’.

Na Gala do Piragüismo Galego entregáronse outros moitos premios, entre os que destacan o galardón ao mellor deportista senior masculino, compartido por Carlos Arévalo e Tono Campos, e o da categoría feminina, que volve caer, por segundo ano consecutivo, na dupla formada por Tania Álvarez e Tania Fernández.

Fuente Crtvg.es