Santiago, 16.11.2019.- A Radio Galega retransmite esta semana en directo os sete partidos dos equipos galegos na Copa do Rei de fútbol. O martes, o ‘Galicia en Goles‘ principiará ás 15.50 h, xusto despois doutra emisión deportiva, ‘Zona Mixta‘. Paco Santos conducirá a cobertura dos dous primeiros encontros con presenza galega, o Coruxo – Mirandés, no campo vigués do Vao, e o Illueca – Deportivo, no estadio aragonés Papa Luna. Ademais, durante o programa haberá conexións coa xunta de accionistas do Deportivo, que coincidirá en horario co partido de fútbol. A partir das 22.00 h, ‘Ao Contraataque‘ ofrecerá unha edición especial desde o Palacio de Exposicións da Coruña, onde se desenvolve a reunión dos accionistas.
O mércores tres partidos protagonizarán o ‘Galicia en Goles’ desde as 17.45 h. O Bergantiños actúa de local en Riazor ante o Sevilla, mentres o Pontevedra recibe en Pasarón o Eivissa e o Lugo visita o Sestao.
O xoves, desde as 18.45 h, o terceiro día de fútbol copeiro centrará o interese no Peña Azagresa – Celta, desde o campo de Calahorra, e no Raio Majadahonda – Rácing de Ferrol, no Cerro del Espino.
Esta eliminatoria de Copa dispútase a partido único. Os oíntes poderán seguir as retransmisións a través da FM, TDT, radiogalega.gal e Radioplayer España.
Fuente Crtvg.es
