A parella celebra a voda dos seus soños, unha cerimonia íntima e familiar da que espera gozar ao máximo
Santiago, 16.03.2021.- O amor, se é verdadeiro, supera todo tipo de probas. O vivo exemplo disto son Alba e Rosendo, os protagonistas desta noite do espazo ‘Casamos!’ (22.25 h), pois o amor que os une superou todo tipo de obstáculos.
Xuntos pasaron por momentos moi duros, como o grave accidente que sufriu Rosendo ou un amago de morte súbita do fillo máis novo da parella. En vez de minguar o seu amor, estas vicisitudes fixérono máis forte e máis grande.
Cando decidiron casar a súa voda converteuse no peor día das súas vidas e é por iso que volverán festexar o seu amor no programa, desta volta cunha voda pequena, íntima e familiar. Desta volta si terán a voda dos seus soños, a que merecen e da que agardan gozar ao máximo.
Fuente Crtvg.es
