Os espectadores da TVG poderán gozar esta noite (23:00 h) coas aventuras dos personaxes de máis éxito do programa
Santiago, 04.01.2023.- A Televisión de Galicia ofrece esta noite unha edición especial do programa ‘Land Rober Tunai Show’ titulada ‘Pretty Rober’, que será un spin-off do espazo presentado por Roberto Vilar e que terá como protagonistas os seus personaxes máis coñecidos.
Por un lado, os espectadores vivirán novas aventuras co particular matrimonio dos Piosos, os personaxes que máis éxito tiveron o ano pasado no programa da TVG. Polo outro, descubrirán as novas ocorrencias de Josiño, o fillo da Familia de Mariscadores, cuxos pais se matan a traballar e non acaban de facer bo del.
Fuente Crtvg.es
