En ‘Familia de mariscadores’, Josiño descubrirá que Julio Iglesias é o seu verdadeiro pai, e en ‘Casa Dosinda’ chegará o momento do sorteo da cesta de Nadal
Santiago, 07.12.2023.- Esta semana visita o ‘Land Rober Tunai Show’ (22:00 h) o monologuista J. J. Vaquero, un cómico rudo e directo, que nas súas actuacións aborda a vida cotiá sen rodeos e sen pelos na lingua. Ademais de pintar a mona, o programa vai poñelo a proba niso da halterofilia e vai descubrir as loucuras que nos pasan aos galegos.
Por outro lado, o show da TVG presentado por Roberto Vilar contará cunha nova entrega da ‘Familia de mariscadores’ máis argalleira. Deste volta, Josiño vai anunciarlles aos seus pais que descubriu que Julio Iglesias é o seu verdadeiro pai.
E en ‘Casa Dosinda’ chegará o momento máis agardado para os seus clientes: o sorteo da cesta de Nadal. Ademais, o público e os espectadores da casa deben estar moi atentos esta noite, porque o ‘Land Rober Tunai Show’ seguirá repartindo lotaría.
Fuente Crtvg.es
