Santiago, 21.10.2023.- Xosé Manuel Piñeiro e Lucía Regueiro chegan esta noite cunha nova entrega do programa ‘Bamboleo’, que recibe a visita dos Gemeliers. Os dous irmáns xemelgos, afeitos ao éxito desde que eran nenos, regresan ao escenarios despois dunha parada voluntaria. Dani e Jesús volven como compositores do seu novo material, como ‘Beber x beber’, un tema que xurdiu nunha noite de troula e que soará sobre o escenario do ‘Bamboleo’.
A cantante María do Ceo será outra das convidadas da noite. ‘O cuchicho’ é o título do tema de Amália Rodrigues que a fadista galega vén presentar ao programa, versionado por ela mesma.
A música de Los Coleguitas encherá o estudio do ‘Bamboleo’ e fará as delicias dos más verbeneiros. No tempo de baile, a parella de Narón formada por David e Jéssica, que acaban de proclamarse campións de Europa, realizarán dúas magníficas exhibicións.
O xogo de ‘A Jrileira’ recibirá dúas comisións de festas: a do Carme, de Cabo de Cruz, e a de Figuerido, en Cervo; e dous equipos deportivos: Hábitos Fútbol Sala de Vigo e Club Tríatlon Compostela, de Santiago. As semifinais determinarán que dúas entidades se enfrontan ao karaoke co tema ‘Pareja del año’, de Sebastián Yatra, e adiviñando intérpretes.
Na sección que pecha o programa, a ‘ITV do Amor’, unha parella de namorados e dous amigos intentarán confundir o gañador da ‘Repesca’ e todos os espectadores. Un xogo no que os colaboradores Isi, Damián Cortés, Claudio Pan e Javier Varela están pendentes ata do máis mínimo detalle para poderen atar cabos.
Fuente Crtvg.es
