Os espectadores verán como Berta non atura máis a Merlí e se encara con el
Santiago, 13.02.2023.- A Televisión de Galicia ofrecerá esta noite dous novos episodios da aclamada serie ‘Merlí’ (23.10 h), que trata sobre un profesor de Filosofía do mesmo nome que estimula os seus alumnos a pensar libremente mediante uns métodos pouco ortodoxos, que dividirán as opinións da clase, o profesorado e as familias.
No primeiro deles, o pai de Joan cre que Merlí adoutrina o seu fillo. Tania ten un problema con Berta, o cal afecta á súa relación con Bruno. Ademais, Gina bótalle en cara a Merlí que suspendese a Gerard e este, entrementres, obriga a Iván a saír á rúa.
A continuación, os espectadores verán como Berta non atura a Merlí e se encara con el. A rapariga non quere que o profesor lle axude e fai o posible porque os amigos non a deixen de lado. Entre tanto, Gina descobre que Merlí anda enguedellado con Laia, á vez que o seu fillo relouca de contento porque vai facer un traballo con Mónica.
Fuente Crtvg.es