O deportista e a gaiteira deberán aplicarse moito, xa que as materias que imparte María Mera son bastante diferentes a como eles as lembraban
Santiago, 29.09.2021.- O programa ‘Os Mellores da Clase’ (23.10 h), presentado por María Mera, levará hoxe dous novos famosos de volta ao colexio para enfrontarse a divertidas probas relacionadas coas materias da clase e tamén para lembrar anécdotas da súa infancia e como era Galicia cando eles estaban nos seus pupitres. Nesta ocasión, os protagonistas serán Fernando Romay e Susana Seivane.
O deportista di que pasou a súa infancia vestido de señor maior e a gaiteira conta que enlazaba castigos ao longo da adolescencia. Grazas a ‘Os Mellores da Clase’, ambos os dous poderán corrixir o seu pasado e loitar polo primeiro posto do programa.
Romay e Seivane deberán ser moi aplicados esta noite, xa que as materias que imparte a mestra María Mera nesta peculiar escola televisiva son bastante diferentes a como eles as lembraban.
Fuente Crtvg.es