Os convidados degustarán os pratos máis noxentos en ‘Comer e calar’, non faltará a cea familiar e tamén haberá un duelo de orquestras
Santiago, 08.10.2020.- O equipo do programa ‘Land Rober Tunai Show’ (22.15 h) decidiu que ata aquí chegou o ano e por iso vai despedilo hoxe por todo o alto con dous artistas dos pés á cabeza: Carmen Lomana e Lito da Panorama. A parella de moda será a encargada de dar as badaladas e pintar a mona nesta noite máxica. Con que vestido de Noitevella sorprenderá a emblemática Lomana?
E, como en toda celebración que se prece, xa está listo o menú para os convidados. Carmen Lomana e Lito van degustar os pratos máis noxentos ou responder as preguntas máis comprometidas en ‘Comer e calar’. Non faltará a cea familiar e haberá ademais un duelo de orquestras.
O espazo da TVG presentado por Roberto Vilar propón festa rachada para despedir este atípico 2020, así que os espectadores xa poden ir preparando as uvas e os traxes de festa para asistir a este grande espectáculo.
Fuente Crtvg.es
