Ao show unirase o doutor Manuel Viso, que falará de papatorias e de vodas
Santiago, 15.06.2023.- Este xoves pintarán a mona no ‘Land Rober Tunai Show’ (21.50 h) os actores Manuel San Martín e Alfonso Agra, que contarán todos os detalles da nova temporada de ‘Saudade de ti’, que se estrea este domingo na TVG. Despois do éxito de audiencia que obtivo o verán pasado, a serie volve con novas tramas e novos personaxes.
Ao show desta noite unirase o doutor Manuel Viso, que falará de papatorias e de vodas. E é que, agora que comeza a temporada alta de celebracións e banquetes, hai que ter moito coidado coas enchentes.
Ademais, Roberto Vilar, Eva Iglesias e Miguel Canalejo xogarán cos convidados ao xogo de moda: o ‘A quen te pareces?’, onde o público é o protagonista polo seu parecido con algún famoso. E chega tamén unha nova aventura dos Piosos, desta volta na froitería. Que se lles perdería alí?
Fuente Crtvg.es
