O programa continúa esta semana co seu servizo de comedia a domicilio para achegar o humor ás casas dos galegos e galegas durante o confinamento
Santiago, 02.04.2020.- O ‘Land Rober Tunai Show’ (22.10 h) continúa esta semana co seu servizo de comedia a domicilio para achegar o humor ás casas dos galegos e galegas durante o confinamento. Este xoves, o programa contará coa presenza dun dos grandes actores da nosa terra, Luís Zahera. Non é que volva, é que non marchou aínda do estudio. Ao show uniranse a emblemática Carmen Lomana e o artista Omar Montes. O que pode saír de aquí ninguén o sabe!
Por se fose pouco, os espectadores coñecerán as historias máis disparatadas do público do programa en ‘Mentira Cochina’. Deste xeito, o programa seguirá xogando coa audiencia, aínda que sexa dende as súas casas. Todo o mundo debe estar atento porque calquera pode ser o protagonista da noite.
Ademais, ‘Land Rober Tunai Show’ amosará o que lle pasa pola cabeza a unha señora que ía visitar este xoves o programa. Ía vir de público, pero sería capaz de saltar a corentena? Isto e moito máis, con Roberto Vilar e compañía, este xoves na TVG.
Fuente Crtvg.es
