Santiago, 10.06.2023.- ‘Bamboleo’ (22:35 h) trae esta noite máis festa á Televisión de Galicia. O programa conducido por Xosé Manuel Piñeiro e Lucía Regueiro recibe hoxe a visita de dous artistas que farán festa ao longo de toda a noite: Pili Pampín e Henry Méndez.
Pili Pampín, artista recoñecida en Galicia e ao outro lado do Atlántico, compartirá os seus temas máis novos cos seguidores do programa. Pola súa parte, Henry Méndez poralle o seu particular ‘flow’ a esta noite de diversión no ‘Bamboleo’ con temas como ‘Ella quiere’ ou ‘No toy en ti’, un mambo electrónico moi positivo. Os dous artistas cantarán e participarán nos xogos que os colaboradores do programa preparan cada semana para os convidados.
Nesta noite de diversión e entretemento, os ritmos verbeneiros da orquestra Charleston Big Band convidarán a bailar. En canto ao baile profesional, a parella formada por Raúl e Lucía, que chega de Narón, fará dúas exhibicións de baile.
En ‘A Jrileira’ competirán esta noite catro comisión de festas: as de Cristoble, en Vilamarín, Boimorto, Meaño e Centroña, en Pontedeume. As dúas semifinais definirán que comisións se miden na final.
Isi volverá converterse no rei das risas e, na ‘ITV do Amor’, un concursante do público terá que adiviñar cal é a parella de Álex en función das respostas da súas posibles mozas: Selenia, María e Estela. Todo ante os ollos atentos dos ‘asesores do amor’: Claudio, Isi, Damián e Javi Varela.
Fuente Crtvg.es
