Tamén lle mellora a fortuna ao garda civil Lourenzo, que se converte no novo empresario da vila cun inesperado premio de lotaría
Santiago, 09.01.2022.- Volve esta noite ‘A lei de Santos’ (23.00 h) con novas entregas á Televisión de Galicia. Este spin off da serie ‘Serramoura’, cuxo elenco encabeza o célebre chatarreiro Santos (Monti Castiñeiras), ten como punto de partida desta terceira tempada o regreso do protagonista a Viladesantos con moitas dúbidas sobre a súa vida: seguir sendo Santos, ese temido delincuente, ou abandonar a profesión e volver ser Mario Piñeiro, un honrado cidadán. E despois de todo o que pasou co roubo no pazo de Meirás, de ser sospeitoso da morte de Denís, e de xogar a vida nunha guerra entre bandas, a balanza inclinouse cara ao crime.
Esta decisión supuxo perder a Uxía, a quen lle prometera que volvía a Viladesantos para empezar de cero, lonxe das actividades criminais. Santos non contaba con que unha nova persoa se ía cruzar no seu camiño e lle ía cambiar a sorte de vez.
A quen lle empeza a mellorar a sorte é a Lourenzo. Un inesperado premio de lotaría vai ser o impulso que necesitaba para deixar a Garda Civil e converterse no novo empresario da vila.
Fuente Crtvg.es