Santiago, 09.03.2020.- Este luns regresa á TVG o programa ‘Segredos – Desmontando Galicia’ (22.35 h) para seguir amosando a nosa comunidade dun xeito único, desde os puntos de vista máis abraiantes e inéditos na televisión. Xeografía e patrimonio, tecnoloxía e espectaculares imaxes en 3D, espazos imposibles e lugares emblemáticos de Galicia danse a man nun espazo que trata de descubrir os segredos das grandes infraestruturas e do patrimonio natural, urbanístico e cultural galego desde o punto de vista do entretemento.
Diana Nogueira, Alicia Burton e Quique Morales comezan a segunda temporada do programa ‘desmontando’ Ferrol, que chegou a ser a cidade máis importante do norte de España e que mantén, desde antes da súa fundación, unha estreita relación co mar e a metalurxia. Ferrol viviu sempre por e para o mar e foi testemuña da vangarda marítima desde hai séculos.
Poñendo unha peza alí e quitando outra alá, ‘Segredos – Desmontando Galicia’ amosaralles aos espectadores as entrañas dunha cidade que foi todo un exemplo de urbanismo moderno e vangardista, referente de toda Europa, cun Arsenal construído coméndolle terreo ao mar, castros, castelos, galerías
O programa da Televisión de Galicia non marchará desta cidade, chea de secretos por descubrir, sen vivir unha auténtica experiencia marítima cun ferrolán de moita sona: Pepo Suevos.
Fuente Crtvg.es
